మత్తు వదలరా.... నే వదలా !!!!( FUN POST)

మత్తు వదలరా.... నే వదలా  !!!!

3 T...i...p...s to be lazy!!!!(  ఫన్పోస్ట్)

రాన్ డం  గా రాస్తున్న విషయం. అందరిలాగా బద్ధకం ఎలా పోగొట్టాలి అని నెమలిపించం రాయదు. 

జీవితంలో ఒక్కసారి అయిన ఎంత పనిమంతుడికై నా అలా ఏ పని లేకుండా హాయి గా ఉండాలని ఉంటుంది. కదూ? నిజంగా గుండె మీద చేయి వేసుకుని సమాధానం చెప్పండి. ఇంట్లో ఉండే హౌస్ వైఫల దగ్గరినుండి జాబ్ చేసే వారివరకు. గొప్ప ఎక్ష్సిక్యు టివ్ ల నుండి దుకాణం నడిపించే వారి వరకు అందరికి ఎప్పుడో ఒకప్పుడు ఇవాళ పని చేయకుండా హాయిగా లేజీ గా గడుపుతే  బాగుంటుంది అనిపిస్తుంది. అవును నాకు తెలుసు. మరి చాల ఆలోచించి కొన్ని టిప్సు తయారు చేశా !

1. మీ ఇంట్లో లేదా మీతో ఉండే వారిని అంటే కుటుంబ సభ్యులని లేదా రూమ్ మేట్స్ ని వారు బాగా చేసే పనుల్లో బాగా పొగడండి. అంటే నువ్వు కాఫీ బాగా పేడత వోయ్ ! అబ్బ మీరు డెకరేట్ చేసినట్లు ఎవ్వరు పార్టీ దేకరేషన్లు  చెయ్యలేరనుకోండి. అది! అలా అప్పుడొకసారి ఇప్పుడొకసారి కాస్త పొగిడారో. మీకు వానాకాలానికి పనికొస్తుంది. ఎందుకంటే ఆ రోజున మిమ్మల్ని ఎవరు తప్పు పట్టారు. ఇందులో చెడు లేదు ఎందుకంటే ఇతరులని వాళ్ళు బాగా చేసినప్పుడు పొగడడం తప్పుకాదు. కాక పోతే కొంచం అహం... అహం..

2. ఇక పోతే రెండవ టిప్పు. బద్ధకంగా ఉన్న రోజు కోపం నటించి... నా జోలికి వచ్చారో ఖబర్దార్ అని ఒక మోడ్ లో ఉంటె కొద్దో గొప్పో ఎఫ్ఫెక్టు ఉంటుంది. ప్లీజ్ నాకు ఇవాళ ఇది చెయ్యాలని లేదు అని అన్నారో .... అంతే మీకు తిరిగి అందరు ఇచ్చుకుంటారు జిలేబి.
3. ముచ్చటగా మూడవది... ఓపిక ఉన్నప్పుడు కాకుండా లేనప్పుడు మీకు జీరో గ్యానం అని గుర్తుపెట్టుకోండి. కొన్ని ఉపయోగపడే పదాలు:

ఏమో నాకు తెలియదు, అయ్యో నాకు రాదే, ఎందుకో ఇవాళ పని అవుతుంది అనిపించట్లేదు, ఇలాంటివి నాకు ఇష్టం ఉండవు ,నాకు అంత సీన్ లేదు, మీరు చేస్తే బాగుంటుంది, మీ చేతులమీదుగా జరుగుతే ఆనందం ఇలా మంచి పదాలు వాడి బతికేయొచ్చు.

అయిదు రాద్దామనుకున్నా మూడు వ్రాసే సరికి పోస్టు ఎఫ్ఫెక్టు వల్ల బద్ధకం వచ్చేసింది... ఈ పాట  విని భీమున్ని ఫాలో అవండి.... దేవుడి మీద భారం వేసి లేవకండి....హ హ హ ... అప్పుడప్పుడు చల్తా అండి !!!

మనోగతం-10

మనోగతం-10
TELL ME  WHY 

Tell Me Why (lyrics)
చెప్పండి ఎందుకో! ఈ పిల్లవాడి ఆవేదనకి సమాధానం ఎవరి దగ్గర లేదు. పాత పాటే అయిన ఎందుకో మళ్ళీ  వినాలి అనిపించింది. సరే మన నెమలిపింఛం లో ఎందుకు వినిపించ కూడదూ అని ఇక్కడ షేర్ చేస్తున్నా...

చూసి విని ఆలోచించండి !!!
ఇట్లు 
మీ 

మనోగతం-9 రాజస్థాని జానపదం.... ఎంతో మధురం

మనోగతం-9

రాజస్థాని జానపదం.... ఎంతో మధురం

ఈ రోజు నాకు చాలా ఇష్టమైన ఈ జానపదాన్ని మీముందుంచుతున్నా.... విని ఆనందించండి.
ఉస్తాద్ బున్గర్ ఖాన్ భుట్టే ఖాన్ పాడిన ఈ ప్రసిద్ద్హ గీతం మాండ్ రాగంలో ఉండి మనకి ఎడారిలో చల్లని చిరుజల్లు లాగ తోస్తుంది.
ఈ పాట ని లత మంగేష్కర్ ఇంకా ఎంతో మంది పాడారు కానీ ఇది పాడే విధానం ఎందుకో ఇలాగే పల్లె వాసనలతో ఉంటేనే బాగుంటుంది అని నా అభిప్రాయం....

కేసరియా బాలం పదహారో మ్హరే దేశ్  రే అంటూ ఎంతో అందంగా పాడారు!

ఇంకేం? విని ఎంజాయ్ చేయండి !

బల్రాజ్ సహాని -హిందీ చిత్ర పరిశ్రమకు వన్నె తెచ్చిన నటుడు !

నటనకే వన్నె తెచ్చిన బల్రాజ్ సహాని...

బల్రాజ్ సహాని అనగానే ఎంతో హోదా అయిన ఒక మనిషి చాల చార్మింగ్ గా చాలా లోతు గల వ్యక్తిత్వం ఇలా... ఎన్నో ఆలోచనలు వస్తాయి మనకు. ఎందుకంటే అయన నటన ఆయన పెర్సనాలిటీ ఏ అటువంటిదండి.
నాకు ఈ నాటికి కళ్ళలో నీళ్ళు తెప్పించే సీమ సినిమా లోని తూ ప్యార్ కా  సాగర్ హై  తో మొదలు పెడదాం .
జీవన యానం: విన్నారా? ఇక ఆయన 1st మే 1913 లో జన్మించారు. ఆయన పంజాబీ అయినా ఆంగ్ల భాషలో మంచి ప్రావీణ్యం సాదించి  MA english literature లో పంజాబ్ యూనివర్సిటీ నుంచి పట్టా అందుకుని హార్వర్డ్ లో చదివారు.ఆ రాజులలో BBC లో కూడా పని చేసారుట. భార్య దమయంతి తో రాబీన్ద్రనాథ్ టాగూరు దగ్గర చేరి గాంధీ గారితో కూడా పనిచేశారని చాలా సార్లు ఆయనే స్వయంగా చెప్పడం జరిగింది. ఆయన పుత్రుడు పరీక్షిత్ సహాని కూడా గొప్ప నటులు.

మొట్ట మొదటి సారిగా ఇండియన్ పీపుల్ థియేటర్ అసోసియేషన్  లో పనిచేసి 1946 లో మొదటి సినిమా ఇన్సాఫ్ లో నటించి మేటి నటుడిగా గుర్తింపు పొందారు.

సినిమాలు: ఇన్సాఫ్, వక్త్, కాబూలివాలా, గరం హవా, లాజవంతి, కట్పుత్లి, డో భీగా జామీన్ , సోనే కి చిడియా, సీమా ఒఫ్ ఇలా చెప్తూ పోతే  ఎన్నో.

కలికి తురాయి :
పద్మ శ్రీ
సోవియెట్ నెహ్రు ల్యాండ్ అవార్డు రష్యా వారి చే
కాన్ ఫెస్టివల్ లో డో భీగా జామీన్ కి  బహుమానం ఇంకా ఎన్నో ...

అల్ ఇండియా ఆర్టిస్ట్ అసోసియేషన్ ద్వారా బల్రాజ్ సహాని పురుస్కారం ఉత్తమ నటుడికి ప్రతి ఏడాది.
పంజాబ్ కళా కేంద్ర ద్వారా ప్రతి ఏడాది బల్రాజ్ సహాని అవార్డు ఇంకా ఎన్నెన్నో ...

దో భీగా జామీన్ లో భూమి కోసం తపించే  రైతు కింద అయిన నటన అమోఘం. అటు చాల హోదా గల గొప్ప మనిషిలా ఇటు చదువు లేక షావుకారు వలలో చిక్కుకున్న  రైతులా ఎలా అంటే అలా తన నటనా  చాతుర్యం తో ఒప్పించి మెప్పించారు.
ఆయన నటనా ఫటిమ కి ఒక ఉదాహరణ. ఇక్కడ చూడండి ...

ఆర్ట్ పిక్త్చర్ కాదు పాటలు ఆటలు కమర్షియల్ పిక్చర్ కుడా అయన నటన ను చూసాయి.



రచనలు. మేరా పాకిస్తానీ సఫర్ , మేరి రూసీ సఫర్ నామా మేరి ఫిల్మి ఆత్మ కథా ఇలా చాల వ్రాసారు.

ఇక నాకు నచ్చిన సినిమా సీమ ఇంకా లాజవంతి. వీటి గురించి చెప్పడం కంటే మీరు చూసి నాకు చెప్పండి ఎలా ఉన్నాయో. బల్రాజ్ సహాని చాల సున్నిత మైన నటుడు. ఎంతో మంచి నటుడిగా పేరుపొందిన బల్రాజ్ సహాని నాకు చాల ఇష్టమైన నటుడు .

ఆయన హావ భావాలు అయన గొంతును మార్చి మాట్లాడే తీరు చాల బాగుంటాయి. నాచురల్ గా యాక్ట్ చేసి ఎక్కువ నాటకీయంగా ఉండకుండా హిందీ సినిమా లో ఒక క్లాసు ఎపార్టు అనిపించుకున్న ఒకే ఒక నటుడు మన బల్రాజ్ సహాని. ఆయనకు సలాం చేస్తూ 

మీ 

Manogatham-8

హాయ్ !!! నేను చాలా బిజీ. అందుకే పోస్ట్లు లేటు. అప్పడి దాకా ఈ పాటే సుకుంటున్నాను . కొంచం విని పెట్టండి.

నెమలిపించం ఎప్పుడు పాత పాటలే వినిపిస్తుంది అని ఎవరండి అన్నది? మాకు కొత్తవి వొచ్చు , కాని మంచి పాటలు కరువై ఎక్కువ లేక... ఎదో!!! పోనీలెండి.

ఇష్క్ సినిమా లో ఈ మధ్య వచ్చే పాట లలో  నాకు బాగా నచ్చిన పాట . ఎందుకంటే సంగీతం సాహిత్యము రెండు బాగున్నాయి. ఇంకా మంచి నిఖార్సైన మన రాజా హసన్ - అదే నండి సరిగమప విన్నర్ తెలుగులో ఎంచక్కా పాడారు దీన్ని. కూల్!!!

చాలా రోజుల తర్వాత మంచి పదాలు మంచి గళాలు మంచి స్వరాలూ  మన ఈ
చిన్నదాన నీకోసం పాట లో విని ఆనందించాను.

సో ఎంజాయ్ విత్ 

సంగతి-1కుంచకే అందని ఒకే ఒక చిత్రకారుడు రాజా రవివర్మ

రాజా రవి వర్మ- చిత్రలేఖనానికే మకుటంలేని మహా రాజు.

29th అప్రేల్ 1948 వ సంవత్సరంలో కేరళ లోని కిల్లిమనూర్ అనే  కుగ్రామంలో రాజ కుటుంబీకులకి జన్మించారు రాజా రవి వర్మ.14 ఏళ్ళ ప్రాయంలోనే రామ స్వామి నాయుడు అనే ప్రఖ్యాత చిత్రకారుని వద్ద శిక్షణ పొందడమే కాకుండా థియోడార్ జెన్సన్ అనే బ్రిటీషు కళాకారుని వద్ద కూడాచిత్రలేఖనాన్ని అభ్యాసం చేసారు.

తంజావూరు శైలి లోనే కాక పాశ్చాత్య పద్ధితిలో కూడా ఈయన ప్రావీణ్యం సంపాయించారు. మైసూరు బరోడా ఇలా ఎన్నో నగరాలు తిరుగుతూ తమ కలకు సాన బట్టి గొప్ప చిత్రకారునిగా గుర్తింపు పొందారు. తన దయిన శైలి లో పారంపరిక చిత్రలేఖనాన్ని సవాలు చేస్తూ అయిన గీసిన బొమ్మలను చాలా మంది తూల నాడారుకుడా ! హిందూ దేవతలను మానవులతో సమానంగా చిత్రీకరించారని కొందరు సహజత్వానికి దూరంగా ఎక్కువ జిలుగులు అద్దారని కొందరూ, లేదు లేదు అసలు భారతీయ చిత్రలేఖన విలువలని పాటించలేదని ఇంకొందరూ ఇలా ఎన్నో విధాలుగా రవి వర్మ చిత్రాలను తోసిపుచ్చారు. 

కాని అయన చిత్రాలు భారత దేశంలోనే కాక ప్రపంచామంతతిలోని ఉత్తమమైనవిగా గుర్తింపు పొందాయంటే అతిశయోక్తి కాదు. శకుంతల, నల దమయంతి, రామాయణం, మహాభారత ఘట్టాలు, యశోదా కృష్ణ, శ్రీ కృష్ణ రాయబారం మరియు ఆలోచనలో ఉన్న స్త్రీ లాంటి చిత్రాలు చూడ చక్కగా ఉంది మనసుకు హత్తుకొనే టట్లు చిత్రించడం ఆయనకే నప్పింది.                           1873 లో వియెన్న లోని ఆర్టు ఎగ్జిబిషన్ లో ఆయనకీ   మదటి బహుమతి ఇవ్వ బడింది.కేరళ ప్రభుత్వం అయన జ్ఞాపకార్ధం రాజ రవి వర్మ పురస్కారాన్ని ఉత్తమ చిత్రకారునికి బహుకరిస్తూ 

ఆయనను చిరస్మరనీయుడి గా గుర్తించింది.

నేను మొట్ట మొదటి సారి దమయంతికి హంస సందేశం చిత్రం చూసి రవి వర్మ గురించి తెలుసుకున్నాను. ఆ తరువాత సీత వనవాసం, శకుంతలా ఇలా ఒకటి తరువాత ఇంకొకటి నా మనుసుకు ఎంతో నచ్చాయి. డ్రమాటిక్ గా అయన చేసిన చిత్రలేఖనం ఎందుకో ఆ కాలానికి సరిపోయింది అని పించింది. 

హావ భావాలు, చిత్రాలలో ఉట్టి పడే కళ నన్ను అయన చిత్రలేఖనా విధానం పట్ల ఎంతో ఆకర్షితురాలిని చేసాయి. అందుకే మీతో ఆయన  ఊసు ఈరోజు. చిత్రాలను ఆనందిస్తూ తలుచుకోండి నన్ను అంటే మీ ...

చాలా రోజులకి పోస్టు కాబట్టి లైకు చెయ్యండి మరి!!!!

గజల్!!!- అవుర్ మెహఫిల్ మే ఆప్!

గజల్ ఒక తీయని అనుభూతి!!!

హలో !
ముందు ఈ గజల్  బిఖర్తి జుల్ఫ్ కి పర్చాయియాన్ వినండి చెప్తాను! అబ్బ వినండి ముందు.

ఏటో వెళ్లి పోయారా? అదే నండి  గజాల్ మ(హ)త్తు. అది కూడా ఆ గజల్ రారాజు గులాం అలీ గళం లో అంటే ఇంకా చెప్పడం సుద్ధ దండగ. నాకు నచ్చ్చిన గజళ్ళు కొన్ని ఇక్కడ మీతో షేర్ చేసుకుంటున్నాను. ఎంతో అందంగా వ్రాయబడిన ఈ తీపి గజల్స్ ఎక్కిడివి అని డౌట్ వచ్చిందా? రాదూ మరి! అందుకే నెమలిపింఛం ఉన్నది  మరి.

గజల్  అంటే ప్రేమ విరహ భావాలని వ్యక్త పరిచే గీతం! మనసులో ఉన్న విరహవేదనని అందంగా ఆలాపించే పాటని గజల్ అంటారు! గజల్ అరబ్బీ లో  6 వ శతాబ్దం లో జన్మించింది అని చెప్పుకోవచ్చు.  గజల్ జననం అరబ్బీ కాసిదా లోంచి అని చెప్పవచ్చు. అందుకే గజల్ లో ఛందస్సు ఒకటే ఉండి,  మొత్తం గా పదాలు ఎక్కువగా ప్రాసలో  ఉంటూ చివరి వాక్యం పునరుక్త మౌతూ ఉంటుందన్నమాట.

ఇంకా  ఉంది కాని ఇంకో గజల్  ఆవారగి విని ముందు కి వెళ్దాము .

12 వ శతాబ్దంలో సూఫీ లు గజల్  మనకు పరిచయం చేసారు. రూమి హాఫిజ్, హజేరి ,మిర్జా గాలిబ్  మరియు మొహమ్మద్ ఇక్బాల్ గొప్ప గజల్ రచయితలుగా వెలుగొందారు. భారత దేశంలోని దాదాపు అన్ని భాషలలో ఈ గజల్స్ ఉన్నాయంటే మీకు వాటి కి గల ప్రజాదరణ ఏంటో అర్ధమై ఉంటుంది. ఇంగ్లీషు ఇంకా జర్మన్ భాషల్లో కూడా గజల్స్ ఫేమస్! నిజంగా!

గజల్ ఎంత పాపులర్ అంటే వీటిని సినిమా ల లో ఉపయోగించి ప్లాటినం డిస్కులు కొట్టేసిన ఉదంతాలు ఎన్నో. మచ్చుక్కి ఈ సినిమా గజల్ ని వినండి. నాకు చాల ఇష్టమైన  ఈ సినిమా గజల్  తేరే దర్ పర్  సనం మీ కోసం.

ప్రేమ లోని తీయదనాని, ప్రియురాలి నుంచి వేరైనా విరహాన్ని , విరహ వేదన లోనూ ఉన్న మాధుర్యాన్ని వ్యక్త పరచడంలో గజల్ గాయకి దిట్ట అని ఒక ప్రతీతి. కవులు తమ దైన శైలి లో విరహ వేదనను వ్యక్త పరుస్తూ వ్రాసిన గజళ్ళు ఎంతో ఇష్టంగా అందరూ వింటారు.

నా ఫేవరేట్స్  ఉస్తాద్ అహ్మద్ హుస్సేన్ మహమ్మద్ హుస్సేన్ ల ఈ గజల్  మౌసం ఆయేంగే జాయేంగే  రాగ మాలిక లో మలచ బడి ప్రేమ-విరహ ఋతువులను ఎంత బాగా ప్రతిబిమ్బిస్తోందో చూడండి! 

గజళ్ళ లో రెండు చాలా ముఖ్యమైన అంశాలు వాటిని ఇతర గీతాలు గేయాల కంటే వేరుగా ఎంచడానికి దోహద పడ్డాయి అని నా ఉద్దేశం. అవి షాయరీ మరియు గాయకి. షాయరీ అనగా గజల్ వ్రాయబడిన తీరు అనగా కవిత్వమన్న మాట! చిన్న చిన్న విషయాలను కూడా వ్యక్త పరిచే విధానం అంటే అందాజ్ వాల్ల  గజల్ ఒక పాపులారిటీ ని సంపాదించుకుంది.  మరి దీనికి దీటుగా పాడే విధానం తోడౌతే ? అదిరి పోదూ?

మిర్జా గాలిబ్ రచనలు అందుకే అంత జనాదరణ పొందాయి. పైగా దానికి బేగం అఖ్తర్ గళమో లేదా బడే గులాం అలీ ఖాన్ సాబ్ గొంతు  తోడౌ తే!!!!

నేటి గజల్ లో నాకు ప్రస్పుటంగా రెండు గాయకి లు కనిపిస్తున్నాయి. ఒకటి క్లాసికల్ లేదా పారంపరిక విధానం. రెండవది ప్రజారంజకమైన అధునాతనమైన సరళి. రెండూ తమ దైన ప్రత్యేకతలను కలిగి మనని అలరిస్తున్నాయి.

అసలు పారంపరికమైన గజల్ గాయకులలో ఉస్తాద్ బడే గులాం అలీ, గులాం అలీ, బేగం అఖ్తర్ ,అహ్మద్ హుస్సేన్ మహమ్మద్ హుస్సేన్ వంటి నిష్ణాతులు పాడగా, పాపులర్ గజల్ గాయకి లో మెహ్ది హసన్, అనుప్ జలోట, చందన్ దాస్ ,జగ్జీత్ సింగ్,ఫరీదా ఖానుం  పంకజ్ ఉధాస్, పీనాజ్ మాసాని, తలత్ అజీజ్ ఇలా ఎంతో మంది ఉన్నారు.

ఇక నాకు గులాం అలీ ఇంకా మహమ్మద్ అహ్మద్ హుస్సేన్ గజళ్ళు అంటే ప్రాణం! పాపులర్ సింగింగ్ నాకు అంతగా నచ్చదు.చక్కని గజల్స్ వింటూ సాయంత్రాలని క్వైట్ గా గడపడం నాకు ఎన్తో  ఇష్టం.... మరి మేరో?